Emosionele mishandeling prent 'n false werklikheid in jou kop en verhoed jou om te kan sien wie en wat jy as persoon deur God geskape was om te wees.

Jy was geskape tot emosionele Vryheid, innerlike vrede en ‘n sterk selfbeeld. Emosionele mishandeling ondermyn God se plan vir jou lewe, jy is beroof van jou vrede en vreugde. Maar God kan weer opbou wat ander afgebreek het. Dit begin by die aanvaarding van die waarheid dat jy mishandel word – die skade wat dit gedoen het en die rol wat dit steeds in jou lewe en toekoms sal speel.

Ons het geleer om emosionele mishandeling te aanvaar en ignoreer

Omtrent almal kan assosieer met die begrip van emosionele mishandeling, maar dit is deel van die problem want dit is so algemeen. Dit het so deel geword van ons persoonlike omgewing, dat dit nie meer die nodige aandag en begrip kry nie. Sarkasme, negatiewe boodskappe en disrespek in verhoudinge was maar altyd deel van jou verhouding en jy glo jy het geleer om daarmee saam te leef, om dit van jou af te skud en jou nie daaraan te steur nie. Alle “bewyse” wat jy kon vind, het bevestig dat jou situasie normaal is. Dit laat ons voel ons in nie so sleg af nie en ons is darem nog bymekaar.

Ons het geleer om emosionele mishandeling te ontken

Sentraal tot die slagoffer se vermoë om emosionele mishandeling te ontken, is die ontkenning van die werklike aard en impak daarvan. Daar is meestal twee negatiewe, afbrekende boodskappe aan 'n maat of kinders, wat hulle emosionele mishandeling gelate laat aanvaar:

1. Wie ook al in gesagsposisie teenoor jou is (ouers, man of baas), mag met jou praat soos hy/sy wil, maak nie saak hoe afbrekend dit oorkom nie. Dit is nie slegs die outoriteitsfiguur se reg nie, maar dit is ook tot jou voordeel.

2. Fisiese mishandeling mag jou bene breek, maar woorde sal jou nooit seermaak nie.

Hierdie boodskappe word gegee deur magbehepte individue in ‘n poging om die mindere aan hulle te onderwerp. Gevolglik ontken kinders en lewensmaats die realiteit van emosionele mishandeling.

Ons het geleer om emosionele mishandeling te aanvaar

In ‘n fisiek veeleisende wêreld, word emosies geag as swakheid, dit is vir vroue en klein kinders. Emosies was iets wat jy veronderstel was om te ontgroei en deel van die opvoedingsproses was om kinders te leer om hul emosies te onderdruk.

Ons het geleer om die wêreld eenvoudig te aanvaar soos dit op ons afkom, om verhoudinge eenvoudig te aanvaar soos ons dit kry. Ons sien dieselfde met ander gebeur en aanvaar dat dit maar deel is van die lewe.

Ons het geleer om die ongesonde patroon te herhaal

Soos ander vorme van mishandeling, kan emosionele mishandeling ook voortgesit word. Jy aanvaar die mishandeling, ontken die impak daarvan en herhaal die siklus in jou huidige verhoudinge.

Die volgende is tekens van emosionele mishandeling – vergelyk dit met jou eie ondervindings in jou huidige verhouding:

* Dit laat jou waardeloos voel
* Die blaam vir ander se foute word op jou geplaas
* Verkleineer van jou standpunte, mening, opinie
* Dreigemente oor fisieke mishandeling
* Woede-aanvalle
* Kom nie beloftes of voornemens na nie
* Vertel leuns om verantwoordelikheid vir die waarheid te ontduik
* Weier om om die ander persoon se gevoelens te erken
* Verneder die ander persoon fisies of verbaal, deur onbehoorlike gebare, opmerkings of optrede
* Gebruik skaamte of skuld om die gedrag van die ander persoon te manipuleer
* Laat nie die ander persoon toe om sy/haar gevoelens uit te spreek nie
* Ontneem die persoon toegang tot sy/haar familie, vriende of persoonlike eiendom
* Weerhou finansiële hulpbronne of selfs voedsel
* Weier om te kommunikeer met die persoon – stilstuipe
* Wipplank uiterstes in gemoedstemminge
* Maak voorwaardelike ooreenkomste waarvan die criteria gedurig verander in ‘n poging om die verantwoordelikheid van die ooreenkoms te ontduik.
* ‘n Vyandige of sarkastiese stemtoon teenoor die ander persoon
* Kritiek teenoor elke aksie, gedagte of opmerking van die ander persoon
* Sien ander as deel van sy/haar eie persoonlikheid, i.p.v. as individue met hul eie gedagtes, gevoelens en opinies
* Verkleinering, vernedering, uitskuif/opskuif of ignorering van die ander persoon

Verhoudings Kategorie