Erger As Molestering En Verkragting

Category: Verhoudings

Date: 2014-04-28

Likes: 200

Met bogemelde statement sal ek seker aangeval word deur meeste mense maar tog volstaan ek daarby dat emosionele

Verhoudings   Kies Hieronder Giftige Verhoudings In Perspektief Kenmerke Van N Psigopaat Psigopate In Die Samelewing Wat Is Die Waarheid En Werklikheid Mishandeling Innerlike Krag En Sterkte Invloed Van Emosionele Mishandeling Mans Keuses En Gevolge Liefde Verander En Regkom Nog N Giftige Verhouding Wat Is Emosies En Gevoelens? Beginsels En Grenslyne Die Ware Krag En Genade Werklikheid En Verdraaide Werklikheid Kinders En N Giftige Verhouding Giftige Versus Normale Verhouding N Olifant In N Week Ingebreek Liefde Versus Liefde Nog N Giftige Verhouding (vertaal) Dwelms En N Giftige Verhouding Werklike Voorbeeld Van N Giftige Verhou Gewoonte Die Bondgenoot Van Giftige Die Regstelsel En Giftige Verhoudings Ouers Is Ook Te Blameer Mishandeling En N Kind Se Ontwikkeling Geloof Hoop En Liefde Kinders Dissipline En Liefde Geestelike Gevolge Van Mishandeling Gesonde Verstand Misdaad Onder Liefde Se Vaandel Valse Werklikheid Gevolge Van Emosionele Mishandeling Die Klein Jakkalsies Liefde - Vriend Of Vyand N Uitdaging Aan Elke Vrou Die Wonder Van Keuse Kommunikasie In Verhoudings Die Behoefte Aan Liefde Kinders Die Werklike Slagoffers God En Die Huwelik Om Te Verander Of Nie Goeie Of Giftige Verhouding Met Tyd Perspektief En Realiteit Bereiking Van Volle Potensiaal So Bietjie Met Die Dames Baklei Annoniem Oor Giftige Verhouding Giftige Verhoudings En Selfstandigheid Die Twee Gebooie Wat Eintlik Drie Is Erger As Molestering En Verkragting

Met bogemelde statement sal ek seker aangeval word deur meeste mense maar tog volstaan ek daarby dat emosionele mishandeling dikwels baie erger is as molestering en verkragting en ek verduidelik dit as volg.

Op sigself beteken die fisiese daad van molestering en verkragting nie regtig veel nie en is daar miljoene mense wat PRESIES dieselfde daad elke dag uitvoer saam met vriende, geliefdes en so aan en die verskil tussen die normale en slegte is sielkundig, emosioneel en moreel van aard.

As twee kinders uit nuuskierigheid met mekaar se geslagsdele speel, is dit molestering? As twee mense gemeenskap het, is dit verkragting?

Nee dit is nie en word as normaal aanvaar so die kern van molestering en verkragting lê in die slegte bedoelings van die oortreder en die onskuld en sonder om te weet wat aangaan of toestemming gee van die slagoffer.

Molestering en verkragting is fisies gesproke eintlik nie eens erger as werklike liggaamlike geweld en mishandeling nie en daar kan trouens selfs geen liggaamlike skade hoegenaamd wees nie.

Wat dit so erg en traumaties maak, is dus die emosionele, sielkundige en geestelike aard van die daad en misdryf en DIT is erg en baie kinders en vrouens sukkel jare en selfs vir altyd om die geestelike, sielkundige en emosionele letsels daarvan te oorkom.

Nou dink bietjie. WAT is emosionele mishandeling, veral deur 'n psigopaat, dan anders as geestelike, sielkundige en emosionele molestering en verkragting?

In haar onskuld besef en weet so iemand nie eens wat gebeur nie en verstaan sy nie die slegte bedoelings van die oortreder nie en net soos met molestering en verkragting van onskuldige kinders waar hulle oortuig word dit is hulle eie skuld en dit is beter dat hulle moet stilbly, word die "skuld" ook op die slagoffers van sielkundige mishandeling gepak met dieselfde doel plus om hulle te breinspoel om mettertyd feitlik enigiets bloot te aanvaar en mee te doen.

Hulle siel, hart en gees word geweldadig met woorde ingedring, aangeval, verwoes en verskeur nie net een keer nie maar deurlopend, van dag tot dag, jaar in en jaar uit en gekamoefleer in die naam van "liefde" en die kern van jou menswees en menswaardigheid word vernietig en vervang met die psigopaat se bose "alter-ego" sodat die slagoffer verder niks anders as sy emosionele en sielkundige (seks)slaaf is nie.

As net EEN woord soos "kaf..", "slet", "white trash", "moffie" en so aan iemand so diep kan seermaak, veral deur 'n GELIEFDE, dat hy/sy 'n emosionele uitbarsting kry, WAT dan van die psigopaat se gedurige en aanhoudende afkraak, gevloek, geskree, woede, emosionele verkragting wat net aan en aan en aanhou?

En meer nog, as dit SO 'n effek op 'n groot, volwasse en dikwels gekwalifiseerde en intellegente VROU kan hê, hoeveel te meer nie op KINDERS wat amper vanaf geboorte blootgestel word aan 'n psigopatiese ouer wat sodanige kinders hulle hele lewe lank emosioneel kan mishandel nie?

Tog word die verkragting en vernietiging van iemand se menswaardigheid, emosionele, morele, sielkundige en geestelike self grootliks geignoreer en is daar geen hulp, ondersteuning en selfs net begrip beskikbaar nie.

Iets om oor te dink nê?  Verkragting = Emosionele skade deur 'n fisieke daad.

'n Mens kan maar se die sielkundige en emosionele aard van veral 'n vrou se geslagsdele stel haar bloot aan sielkundige en emosionele wonde (geestelik) deur fisieke (vleeslike) dade.

Dit toon baie duidelik presies hoeveel skade deur sielkundige en emosionele wonde opgedoen kan word so as dan daaraan gedink word dat met die woord, optrede en ales in geheel, 'n vrou en kind amper daagliks, sonder ophou en vir jare, sielkundig, emosioneel en geestelik gewond, vermorsel en vernietig word, dan begin die prentjie van sielkundige mishandeling duideliker word.

Terwyl dit plaasvind is die vrou en kind in amper dieselfde mate van passiewe skok en breinstilstand as met verkragting, maar as die oortreder die slagoffer eers los of hulle wegkom, DAN tref die volle omvang van ALLES, maande en jare se sielkundige verkragting van hart, siel, gees en menswees soos 'n vuurwarm mes in haar hart, siel en gees.
 

Verhoudings Kategorie