Doen Wat Jy Doen Doen Goed

Category: Algemeen

Date: 2014-04-28

Likes: 109

Hy kan berg nie skuif nie, ook nie boomuit trek, maar my Vader word baie groot manmet hierdie ou

Algemeen   Kies Hieronder God Ons Gerieflike Dienaar En Sondebok Afsterwe Van N Geliefde Wat Nie Eens God Kan Doen Nie Die Storie Van Die Wandelpad God Se Tyd Om Totsiens En Vaarwel Te Se Klippepad Gebede Wat Pla Die Goddelike Netwerk Die Goddelike Netwerk - Vervolg Doen Wat Jy Doen Doen Goed

Hy kan 'n berg nie skuif nie, ook nie 'n boom
uit trek, maar my Vader word 'n baie groot man
met hierdie ou spreekwoord.

Doen wat jy doen doen goed seun
doen wat jy doen doen goed
Gee jou siel en jou hele hart
en doen wat jy doen doen goed.

Ja, hy was 'n goeie Vader, die noodlot tree
toe in, die trane rol vry en hy se aan my
moenie bang wees om te huil.

Doen wat jy doen doen goed seun
doen wat jy doen doen goed
Gee jou siel en jou hele hart
en doen wat jy doen doen goed.

Kan jy jouself hiermee vereenselwig? Is dit hoe jy dinge doen en meer nog, is dit hoe jy is? Nie net wat jy doen goed doen nie, maar jou hele siel en hart sit in wat jy doen?

Miskien kan ons dit nie met alles doen nie en is daar dinge wat nie belangrik genoeg is nie, maar wanneer iets belangrik genoeg is dan behoort ons alles te gee, ons siel, hart, geloof en daad.

Wat is op die oomblik SO BAIE belangrik vir jou dat jy wens en bid dat dit kan regkom of dat jy dit kan kry? Wegkom van 'n giftige verhouding? 'n Verhouding begin? Werk of blyplek of kos kry? 'n Probleem oplos?

Is dit SO belangrik dat jy God bid en smeek om te help. Is dit so belangrik dat dit voel of DIT tans jou hele lewe en alles oorheers?

Sekerlik as kinders van God sal hy ons gebede verhoor maar het jy self al alles ingesit? Jou siel, hart, geloof en daad ingesit en wat jy doen goed gedoen en doen dit steeds goed?

Hoe kan ons verwag dat God en ander mense ONS dienaar moet wees terwyl onsself op ons louere rus en dinge halfhartig doen want God is in die mens en werk deur die mens en geloof sonder die daad is nutteloos so alles, selfs God en die verhoor van gebede, begin in die heel eerste plek by JOU en niks en niemand anders nie.

God werk wel ook deur ander en trouens elkeen van ons maar in JOU geval is dit JY wat in die eerste plek verantwoordelik is vir jou self en alles rondom jou deur jou keuses en jou dade so hoe voer jy dit uit? Halfhartig met twyfel in jou hart of is jou siel, hart, geloof en alles daaragter?

Kan 'n mens regtig vir "God" of ander verkwalik as jou gebede, wense en wat jy wil hê nie bevredig word nie as jy self in 'n verhouding gaan op 'n basis van maar kyk wat gebeur? As jy wil wegkom uit 'n verhouding maar jouself blindstaar teen die "strukkelblokke" en probleme, in plaas van jou hart en siel daarin te werp om een vir een, stelselmatig elke struikelblok en probleem te vat en te oorwin?

Hoe kan jy "glo" in die magtige, positiewe krag van God as jy negatief is en aan jouself twyfel want se die Bybel nie op so baie plekke God is IN jou nie, dat ons lewende boustene van sy Koningkryk is nie, dat ons die liggaam van Christus is nie? Se die Bybel nie ons is die gebou van God met Christus die hoeksteen nie?

Dit maak nie saak WAT jy doen nie maar wel dat jy iets DOEN en dit na die beste van jou vermoë doen. Dit is ONS verantwoordelikheid as vleeslike mens om die DAAD te volvoer en God sal ons deur die Gees lei solank as wat ons bloot die daad agter ons geloof voeg.

Genugtig mens. Ek is doof, het net matriek en is nie betrokke in regspraktyk nie, tog het ek reeds verskeie hofsake gewen, direk in stryd met my eie prokureur en advokaat se regsadvies en in twee huidige sake het ek reggekry wat 'n prokureur wat in die Kinderwet spesialiseer gesê het nie gedoen kan word nie. Dit het ek gedoen deur wat ek doen goed te doen, deur die Kinder en ander toepaslike wette te kry en te lees. Deur self te begin om die aansoeke op te stel en met ander mense te gesels om raad en advies te kry. Deur self hof toe te gaan selfs al is ek doof en het ek nie eens 'n tolk gehad nie.

Hoeveel te meer kan JY dan nie ook doen nie?

Dit is nie wat jy kan of nie kan doen nie. Dit is wat jy GLO jy kan doen en jou gesindheid daaroor te verander sodat jy die daad by die geloof kan voeg, jouself siel, hart, geloof en daad daarin werp. Eers DAN het JY gedoen wat jy kan, na die beste van jou vermoë en kan jy die res in God se hande laat so die vraag is, Gee JY jou siel en jou hele hart en doen jy dit goed?

Algemeen Kategorie